Juhui es isch richtig schön nach so langer Zyt coronabedingt wieder mau es Oschtertraining ganz und mit aune Tage chönne dürezführe. Ig ha d Ehr, öich öpis vor Americaine z verzeue.

Wie gwohnt cha d Americaine mit em Bäupbärg Training teilnähmermässig nid mithaute. Aber mir si doch es stattlechs Trüppli gsi wos sech da am Samschtig Namittag ir Bodeweid troffe het. Dr einzig Spieuverderber isch Bise, wo üs am Afang echli lat la schlottere. D Marianne git no es paar Awisige. Aber wo isch scho nume das Bänkli wo mer üs nach em iloufe sötte träffe? Was da nach zwöi Jahr aues vergässe geit. Aber es klappet. Z Bänkli isch no da aus hättis di zwöi Jahr nume uf üs gwartet. D Marianne verteilt farbigi Zuckereier, damit mir so drüer Gruppe chöi biude. Und los geits ei Rundi immer rächts die anderi immer links ume. D Fotos wärde diesmau vor Elis (Familie Häcki Nachwuchs) gmacht, dr Tinu het ire Kamera überlah und wärweis viellicht isch das dr Startschuss für die zuekünftegi brueflechi Karriere. Am Schluss wird d Siegertruppe frenetisch gfiret.

Dä Tag lömer de mit em ne Nachtässe im Dolce Vita la usklinge. Uf der Heifahrt gniesse mer no der herrlech Voumond.

(19. April 2022 / Text: G. Kurath, Bilder: mj)